Galjoen derby 2010

Dit was die eerste Galjoen derby vir die PSA. Geen galjoen het uitgekom nie - nes laas jaar, maar daar is drie mooi steenbrasse gevang. Die manne het weereens biekie hard gevat, maar Yzerfontein sal hulle nie vinnig vergeet nie. Tilla was die naweek saam as gas en het die manne redelik op hulle tone gehou in die bar. Jammer vir die min skryf, maar werk gaan dol en daar is eintlik net die naweek gedrink...

27 - 29 Augustus 2010

Die naweek was eintlik `n ramp. Ons was lekker vroeg in L'Agalhus Vrydag aand. Lekker gebraai en gaan slaap. Ek gaan nie veel detail oor die naweek gee nie. Mosselbras het sy Galjoen voor almal verloor in die wash met `n helse rookie fout. Slappies het twee visse verloor - een het uit die water gespring en losgeruk en die ander het sy hoek afgebyt. Verder was dit maar stil. Geluk aan Hammel wat darem `n klein galjoentjie en skaamhaai geland het. Albei is veilig terug gelaat.

PSA Algemene Jaarvergadering/Jaareindfunksie

Vrydag aand, 23 Julie 2010, was die eerste algemene jaarvergadering en die jaareindfunksie van PSA. Die aand was gekenmerk deur `n onkeerbare gevoel van opgewondenheid en afwagting. Die lede het nie geweet wat voorlê nie, aangesien die voorsitter en sekretaris die funksie in die geheim gereel het.

Die aand is geopen met gebed deur die voorsitter, Ratchet. Volgende het Kraaines die verwelkomings gedoen en daarna het Ratchet sy voorsitters verslag gelewer. Die finansiele state is kortliks bespreek en hierna is die jaarverkiesing gehou.

Ratchet is vir nog `n termyn aangewys as voorsitter. Kraaines is ook weer as sekretaris aangewys. 2010/2011 het nog `n komittee, Die Behuisings Komittee bygekry, waarop Katvis en Mosselbras gaan dien. Hammel het `n versoek gerig dat die blog opgekikker word en dit sal sovolgens bespreek en uitgevoer word.

Volgende was die prysuitdeling. Die pryse was as volg:

Meeste lyn weggegooi - Mosselbras

Meeste sinkers verloor - Kraaines

Mees toegewyd - Hammel

Hengelaar met die meeste buitelandse ondervinding - Slappies

PSA Hengelaar van die jaar - Katvis

Daar was ook verrassings presente (opvou stoeltjies), wat Kraaines geborg het, vir almal uitgedeel.

Die aand is verder deur almal geniet. Daar is lekker gedrink, geeet en gekuier en die aand was `n groot sukses. Dankie aan almal wat daar was, en ek wil ook net dankie sê aan Darling Cellars wat ons span help met borgskap.

Struisbaai - 16 tot 18 Julie

Nog `n PSA naweek is tot `n einde. Dit was maar hard op die ouens se gemoed, maar ek dink ons almal het dit steeds baie geniet.

Vrydag aand toe ons by Kraaines se huis stop, toe pomp die wind. Dit was koud en onplesierig, maar dit het ons nie gekeer om 23:00 `n paar gooie te gaan maak nie. Niks het gebeur nie, behalwe vir `n paar embrio klipvissies en een baba baber.

Saterdag oggend is daar so 7h se kant begin klaarmaak en het ons ons luck by Kolstertgat gaan probeer. Die water was baie skoon en ons het skaars `n byt gekry.

Ons pak toe die pad Brandfontein toe, waar daar nogal `n klomp ander hengelaars was. Hier het ons ook geen sukses gehad nie.

Ons het toe `n terleurstellende middag ete by Nostra gaan afskied en toe is ons plaat toe. Ons geluk het hier gedraai en Christo het `n mooi belman van so 43cm geland. Katvis het stewige byte gekry met sy slide en Ratchet se slide sardine se kop is skoon afgehap.

Ons is net na donker met ons koppe gesak terug huis toe.

Sondag is `n paar gooie gemaak maar met geen sukses. Die water was stil en kristal helder skoon. Pragtig vir duik, maar ons was nie gekit daarvoor nie. Dit was `n lekker naweek en hopelik gaan volgende keer beter gaan. Dankie aan Carla en Leon was ons gejoin het op die naweek, asook aan Kraaines vir die verblyf. Tot volgende keer

Franskraal - 14 tot 16 Mei

Hees. Hierdie is `n baie laat blog entry. Ek het probleme met ons IT gehad, so was vir twee maande sonder rede geblok. Ja, my blog was geblok, maar nou kan ek weer blog.

April maand was te rof vir `n offisiele naweek, met al daai vakansie dae. Ons het een of twee naweke vinnig Betties toe geskied. Ek en Mosselbras het die 24ste April vinnig `n gooi gaan maak in Betties. Eerste gooi vir Mosselbras - vas! Mooi galjoen.

Ons het toe ons PSA naweek gehad van 14 tot 16 Mei by Franskraal. Ons het `n awesome huis gekry (dankie aan Katvis vir die reelings). Ook net een galjoen uitgekom die naweek. Dit was `n baie lekker naweek, maar ons het effe te veel gedrink...

Ek wens daar is beter fotos van die vis, maar ja, soos ek se het die wyn gevloei..

(Die vis was gevries gewees)

Wel, dis al vir nou. Ons gaan biekie Struisbaai toe ry vandag vir die naweek, so hopelik is daar baie vis fotos vir die volgende inskrywing.

19 - 22 Maart 2010

PSA naweek – 19 tot 22 Maart

Nog `n PSA naweek het tot `n einde gekom. Die een was biekie anders as die ander. Ons goeie vriend, Christo het verjaar en sy meisie het gedink dit sal goed wees om `n verrassings-naweek vir hom te reel. Ons as PSA nooi hulle toe saam vir `n hengel naweek.

Christo was nie die enigste “gas-hengelaar” nie, maar ook Stefan en Emile. Dit was Stefan se eerste keer met die oop-spoel, maar ek kon sien dat die man van Ceres al `n paar gooie gemaak het.

Vrydag aand was daar nie gehengel nie, maar net so biekie gekuier en gebraai.

Saterdag oggend het die manne 9 uur se kant (baie te laat) na die waters gegaan, vol moed en opgewondenheid. Christo en Kraaines het laat geslaap, en Kraaines sal by die volgende vergadering ernstig aangespreek word.

Met die eerste gooi haak Katvis Vermeulen `n mooi Kabeljoutjie. Net daarna ruk Mosselbras `n galjoentjie en daarna trek Vermeulen weer `n monster Wildeperd uit – 1.2kg. Die dag was vol aksie en daar was baie byte. Kondisies was mooi en die weer het ook mooi saamgespeel.





Ons gaan toe laat middag maar weer Kolstert gat toe, waar Christo toe `n mooi Kolstert uittrek met die afgeskryfde Elbe en die Finchaser.

Die aand is eers biekie ruggas gaan kyk, shots gedrink en toe gaan visbraai. En toe ruk dinge weer hand uit, maar gelukkig het ek dit gemis.

Sondag was toe mnr Toua se verjaardag en ons is maar weer so 9 uur se kant water toe. Ons het op by Platklip gaan probeer, waar Katvis `n Kolstert geland het, maar dit was dit. Min byte was Sondag ons voorland.

Ek (Ratchet), Kraaines en Christo is toe middag se kant plaat toe. Met die eerste gooi land ou Hammel `n mooi sandhaai, een van drie wat hy die middag gevang het. Kraaines het ook `n sandhaai gevang, en Ratchet sn het in die wash afgebreek.

Dit was die naweek se hengel gewees. Dankie ouens vir nog `n lekker herrinnering met lekker hengel stories.

Struisbaai 5 Spesie Rock and Surf Angling Competition

PSA naweek: 26 – 28 Februarie 2010
Struisbaai 5 Spesie Rock and Surf Angling Competition



PSA het die naweek van 26 – 28 Februarie deel geneem aan die Struisbaai 5 Spesies Visvang Kompetisie. Al die manne se opgewondenheid was iets verskrikliks gewees en sommige van ons moes slapelose nagte gehad het. Die F100 was weer gelaai vrydag na werk en Du Plessis senior se motor is geleen en die pad na Struisbaai het voorgele.

Toe die manne in Struisbaai aankom was daar na die hengel tent gegaan wat op die kampeer terrein was om net die nodige inligting te kry vir die kompetisie. ‘n Paar branties moes toe ook gedrink word sedert dit nie te duur was vir die sak nie. Na die inligting sessie by die tent was daar huiswaarts gekeer om te gaan slaap, sedert die kompetisie die volgende oggend 5uur afgeskop het. Ons het besluit om 4uur op te staan, maar sedert ongevraagde gebeure het ons bietjie vroeer opgestaan. Die bakka is gelaai en ons het die pad gevat Suiderstrand toe.

Sedert dit nou ook donker was kon almal nie lekker sien nie, en die visstokke wat bo op die bakkie was het beur ‘n bos gegaan met die draai slag. Was dit nou vir jou ‘n ramp. Al die stokke het afgedonner tot in die pad.

Ons het met ruk en pluk Suiderstrand toe gery. Die bakka was bietjie siek gewees en ons het nie geweet die bakka vat unleaded petrol nie. Die gear is gelaai en ons het die lang stap aangedurf na ons visvang plek op Suiderstrand. Katvis was teen 6uur geskakel deur Rachet wat nou immers by die huis was sedert hy ongelukkig nie kon saam kom nie, en gevra of ons darem al teen die water is. Verskriklike jaloesie en ongelukkigheid kon ek deur die telefoon hoor.

Lyne was so teen half 7 in die water en die manne was amped gewees. Nie baie aksie gehad op ons plekkie nie, net so haaikie of wat, besluit ons om die klippe aan te vat tussen die ander manne wat ook deelneem aan die kompetisie. Nat en glibberig. Hier op die klippe het ons so bietjie rond gedans en geval. Lynne was in die water en daar was sommer vinnig byte gewees. Paar haaie het uitgekom (Kraaines het almal gevang), en toe land Katvis die eerste Kabeljoutjie. Ons het soos mal goed aangegan toe die vis sy blink lyf wys. Bear Grills (George) was so excited hy het hekkies gespring oor die nat klippe om die vis te red. Paar minute later land Shaun ‘n kabeljoutjie en later die dag weer, maar ongelukkig te klein. Hulle was mooi terug gelaat die see in. Katvis het later toe weer ‘n kabeljoutjie geland wat ook size was. Die spot was vol aksie die dag. Kraaines het die laaste vis hier uit getrek die dag. Dit was ‘n hottie gewees. Netjiese ou vissie. Hy het die size gehad en was gehou.




Hoogwater het nader gekruip en ons het terug geskuif na die baaitjie toe. Hier het toe niks verder aangegaan nie. Die gear is opgepak en ons het die pad terug gevat. Daar was vinnig by die huis ‘n draai gemaak, en Kraaines, Shaun, Baber en Katvis het besluit om Kolstertgat aan te vat. Nie te baie aksie gehad nie, maar Katvis het hier ‘n Zebra uitgetrek wat net net size was, maar besluit om die ou weer terug te gooi. Baie pruike was gevang hier in die baaitjie. Dis nou seegras vir die wat nie weet nie. Baber het hier ook die kleinste bottervissie wat ek al ooit gesien het uitgetrek. Ons het toe maar so teen half 3 se kant besluit om klaar te maak en die pad huistoe gevat. Die vis is skoon gemaak en toe is ons na die inweeg toe. Hier was van die manne van ander hengel spanne nogals gekettie gewees. Ons het gaan loer na die grootste visse wat gevang was en gehoop om iets te wen met die lucky draw. Dit het toe nooit gebeur nie.




Ons het toe huiswaarts gekeer en die vuur is aangesteek. Almal was maar plankies gewees na die dag se aktiwiteite. Om die naweek af te sluit het ons die hottie en een kabeljou gebraai saam met knoffelbrood en braaivleis. Dit was `n goeie hengel naweek en ons hoop om volgende jaar weer terug te wees.